طليتى زى نور الصباح حركتى جواى الشجون
صحيتى فينى الأغنيات هجرت سباته بعد سكون
ماإنتى غاية الأمنيات ياروحى يانور العيون
ياكلى ياذات العشق أنا ذاتى ايه دونك أكون
*****
من قبل ما أعرف خطاكى انا كنت تايه زى شريد
مركوز على صدرى الحزن وافراحى أبعد من بعيد
أنا كنت قايل مستحيل فى يوم أفكر إنى اريد
لكنك احييتى الغرام فى قلبى فرهد من جديد
*****
انتى الشمس بين النجوم انتى الربيع بين الفصول
والله حيرتى الحروف أوصف محاسنك شن أقول
الله على الذوق الرفيع الله على المحيا الخجول
الله على الطرف الكحيل من لمحه تدهشى اى زول
*****
فيك روعة النيل والجروف صبح الخريف والجو رشاش
وانا واقف اتنسم هواك واتكرفك ريحة دعاش
أنا أصلى درويش حضرتك غرقان وظمآن المشاش
هل إنتى حد الحيره بيك أم إنتى ذات الإندهاش
*****
فيك طيبة الناس الغبش وحن المسافرين للرجوع
وصدق الحروف النازفه شوق مكتوبه فى محراب خشوع
با لله ياتلك التى أهدتنى فى العتمه الشموع
هل تبقى دايما لى وطن أم أرتجيك حسره ودموع ؟
صحيتى فينى الأغنيات هجرت سباته بعد سكون
ماإنتى غاية الأمنيات ياروحى يانور العيون
ياكلى ياذات العشق أنا ذاتى ايه دونك أكون
*****
من قبل ما أعرف خطاكى انا كنت تايه زى شريد
مركوز على صدرى الحزن وافراحى أبعد من بعيد
أنا كنت قايل مستحيل فى يوم أفكر إنى اريد
لكنك احييتى الغرام فى قلبى فرهد من جديد
*****
انتى الشمس بين النجوم انتى الربيع بين الفصول
والله حيرتى الحروف أوصف محاسنك شن أقول
الله على الذوق الرفيع الله على المحيا الخجول
الله على الطرف الكحيل من لمحه تدهشى اى زول
*****
فيك روعة النيل والجروف صبح الخريف والجو رشاش
وانا واقف اتنسم هواك واتكرفك ريحة دعاش
أنا أصلى درويش حضرتك غرقان وظمآن المشاش
هل إنتى حد الحيره بيك أم إنتى ذات الإندهاش
*****
فيك طيبة الناس الغبش وحن المسافرين للرجوع
وصدق الحروف النازفه شوق مكتوبه فى محراب خشوع
با لله ياتلك التى أهدتنى فى العتمه الشموع
هل تبقى دايما لى وطن أم أرتجيك حسره ودموع ؟