منقوووووووول "
أصدقاء
"أنت ليه مش بتمسك إيدي وإحنا ماشيين في الشارع؟"
"لأ بلاش...افرضي حد من قرايبك شافنا؟
والا حد من أصحاب أخوكي في الكلية؟ إن شاء الله يا حبيبتي بكره نتخطب وامسك إيديكي ادام الدنيا كلها"
.................................
Engaged"
مخطوبين
"أنت ليه مش بتمسك إيدي وإحنا ماشيين في الشارع؟"
"عشان مش عاوز حد يفتكر إننا علشان اتخطبنا حنصيع بقى ونعيش حياتنا..
وبعدين بصراحة كده أنا مستحرم..
إن شاء الله بكره نتجوز وامسك إيدك وإنتي مراتي حبيبتي في الحلال"
.................................
"Married"
متزوجين
"أنت ليه مش بتمسك إيدي وإحنا ماشيين في الشارع؟"
"يا حبيبتي إحنا مش مراهقين بقى حنمسك إيد بعض في الشارع وكده..
إحنا اتنين متجوزين ومحترمين وعندنا بيت نعمل فيه اللي عاوزين نعمله"
.................................
"Married with Children "
عندهم اطفال
"أنت ليه مش بتمسك إيدي وإحنا ماشيين في الشارع؟"
"يعني امسك إيدك والا امسك إيد البنت والا اشيل الأكياس دي كلها؟!"
.................................
Married for 25 years
بعد 25 سنة زواج
"أنت ليه مش بتمسك إيدي وإحنا ماشيين في الشارع؟"
"إيدك إيه بس اللي حامسكها دلوقتي! إنتي عاوزه جوز بنتك يقول علينا كبرنا وخرفنا؟!"
